small-logo

མདོ་ཁམས་ཆུ་བཞི་སྒང་དྲུག

Dokham Chushi Gangdrug

War Song
Editor46

ཆུ་བཞི་སྒང་དྲུག་དམག་དར།

རས་གཞི་སེར་པོ་གསེར་བཙོ་མ་ལྟ་བུ་འདུག་པ་དཔའ་བོ་རྣམས་ཀྱི་རྒྱལ་ཞེན་ལྷག་བསམ་ལ་ལྷད་མེད་པ་མཚོན། དེའི་སྟེང་རལ་གྲི་ཁ་འཐབ་ཡོད་པ་འདིས་བོད་ཡུལ་ཆོས་སྲིད་གཉིས་ལྡན་གྱི་རྣམ་པ་དང་། ཆུ་ཨའི་དང་དམག་རྡོག་རྩ་གཅིག་ལ་སྒྲིལ་ཏེ་བསྟན་དགྲ་རྒྱ་དམར་གཏོར་ཕམ་གཏང་རྒྱུའི་སྙིང་སྟོབས་བརྟན་པོ་མཚོན་ལ། རལ་གྲི་མེ་རི་འབར་བ་ཤེས་རབ་ཀྱི་ལྷ་མཆོག་རྗེ་བཙུན་འཇམ་པའི་དབྱངས་ཀྱི་ཕྱག་མཚན་ཡིན་པས། ཕ་རོལ་གདོང་དགྲ་འདུལ་ལ་བློ་གྲོས་ཀྱིས་སྤོབས་པ་རྒྱས་ཕྱིར་དང་། རལ་གྲིའི་ཡུ་བར་རྡོ་རྗེ་འཁོད་པ་ཡིད་དམ་རྡོ་རྗེ་སེམས་པའི་ཕྱག་མཚན་ཡིན་པས། བསྟན་དགྲ་རྒྱ་དམར་མཐར་སྐྲོད་གཏོང་སྐབས་དཔའ་རྩལ་ལུས་ལ་རྫོགས་ཆེད་དང་། མེ་ཏོག་དཀར་པོ་དྲི་མ་མེད་པ་འཕགས་མཆོག་སྤྱན་རས་གཟིགས་ཀྱི་ཕྱག་མཚན་ཡིན་ན། སྔོན་ཚེའི་ཐུགས་བསྐྱེད་དམ་བཅའ་གཡོ་བ་མེད་ཅིང་བོད་ཆོས་ལྡན་ཞིང་ཁམས་མི་གཡོ་བར་བརྟན་པར་སྐྱོང་བའི་སླད་དང་། དཔའ་དམ་རྣོ་ངར་ལྡན་པ་ཁ་ཕྱི་ལ་འཁོར་བ་འདི་དཔའ་རྒོད་རྣམས་ཀྱིས་དགྲ་བོའི་སྲོག་རྩ་གཅོད་བྱེད་ཡིན་ལ། དེ་ཡང་བོད་རང་གིས་ཐོན་བསྐྱེད་ཐུབ་པའི་དྲག་པོའི་དམག་གི་མཚོན་ཆར་སོང་། དམག་དར་ལས་མཐོང་ཚེ་ཕ་རོལ་དགྲ་བོའི་དཔའ་ངར་འཇོམས་པ་དང་། རང་གིས་ཕྱར་ན་བློ་སྟོབས་འཕེལ་བའི་ཁྱད་ཆོས་ཡོད་པ་ཞིག་ཡིན།

Read More »
January 15, 2026 No Comments

༄༅།།ཆུ་བཞི་སྒང་དྲུག་དམག་གླུ།

༡༽ མཛེས་མོ་རང་གི་མེ་ཏོག་དེ།།ཚུར་བླངས་ནས་བཟང་པོ་ཡིད་འོང་མཚོ་ཁར་བཙུགས་ཡོད།།བོད་ལོངས་བདེན་པའི་རང་བཙན།། རྩ་དོན་ལག་ལེན་དང་པོ།།མདོ་ཁམས་ཆུ་བཞི་སྒང་དྲུག།། བསྟན་སྲུང་དང་བླངས་དམག་སྒར།།བསྟན་པ་སྲུང་བའི་གཞི་རྩར།། རྒྱལ་བའི་གསེར་ཁི་བཞེངས་ཡོད།།རང་བཙན་སྒྲུབ་པའི་དམིགས་ཡུལ།།དྲག་པོའི་དམག་སྒར་བཙུགས་ཡོད།།མཛེས་མོ་རང་གི་མེ་ཏོག་དེ།།ཚུར་བླངས་ནས་བཟང་པོ་ཡིད་འོང་མཚོ་ཁར་བཙུགས་ཡོད།།དཔའ་བོའི་དཔུང་གི་དབུ་ཁིད་དེ།།ཨ་འབྲུག་མགོན་པོ་བཀྲ་ཤིས།།དཔའ་བོའི་དཔུང་གྲ་སིག་ནས།།དགྲ་བོར་གདོང་ལེན་བྱས་ཡོད།།དཔའ་ཆས་ལུས་ལ་སྤྲས་ནས།།དཔའ་རྟགས་རྒྱལ་དར་བཙུགས་ཡོད།།དཔའ་རྟགས་རྒྱལ་དར་གྲི་དེ།།གྲི་གུ་ཐང་ལ་བཙུགས་ཡོད།།མཛེས་མོ་རང་གི་མེ་ཏོག་དེ།།ཚུར་བླངས་ནས་བཟང་པོ་ཡིད་འོང་མཚོ་ཁར་བཙུགས་ཡོད།། ༢༽ མི་ཚེ་རིང་པོའི་དར་ཐག།།བོད་ལོངས་ཡོངས་ལ་འཐེན་ཡོད།།ཡོངས་རོགས་ཆོལ་གསུམ་སྤུན་ཟླ།།ཐུགས་བཞག་ནན་ཏན་གནང་མཛོད།།ཇི་སིད་འཚོ་བའི་བར་ལ།།བརེད་ཐབས་གོད་ཐབས་གར་ཡོད།།ཁེད་ནི་བཀྲ་ཤིས་མདའ་དར།།བཀྲ་ལ་ཤིས་པར་ཤོག་ཅིག།།ང་ནི་ཚེ་རིང་བུམ་པ།།ཚེ་ལ་རིང་བ་ཤོག་ཅིག།།མཛེས་མོ་རང་གི་མེ་ཏོག་དེ།།ཚུར་བླངས་ནས་བཟང་པོ་ཡིད་འོང་མཚོ་ཁར་བཙུགས་ཡོད།།

Read More »
January 15, 2026 No Comments

༄༅།། མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་གི་གླུ།

༡༽ མཛེས་མོ་རང་གི་མེ་ཏོག་དེ།།ཚུར་བླངས་ནས་བཟང་པོ་ཡིད་འོང་མཚོ་ཁར་བཙུགས་ཡོད།།བོད་ལོངས་བདེན་པའི་རང་བཙན།། རྩ་དོན་ལག་ལེན་དང་པོ།།མདོ་ཁམས་ཆུ་བཞི་སྒང་དྲུག།། བསྟན་སྲུང་དང་བླངས་དམག་སྒར།།བསྟན་པ་སྲུང་བའི་གཞི་རྩར།། རྒྱལ་བའི་གསེར་ཁི་བཞེངས་ཡོད།།རང་བཙན་སྒྲུབ་པའི་དམིགས་ཡུལ།།དྲག་པོའི་དམག་སྒར་བཙུགས་ཡོད།།མཛེས་མོ་རང་གི་མེ་ཏོག་དེ།།ཚུར་བླངས་ནས་བཟང་པོ་ཡིད་འོང་མཚོ་ཁར་བཙུགས་ཡོད།།དཔའ་བོའི་དཔུང་གི་དབུ་ཁིད་དེ།།ཨ་འབྲུག་མགོན་པོ་བཀྲ་ཤིས།།དཔའ་བོའི་དཔུང་གྲ་སིག་ནས།།དགྲ་བོར་གདོང་ལེན་བྱས་ཡོད།།དཔའ་ཆས་ལུས་ལ་སྤྲས་ནས།།དཔའ་རྟགས་རྒྱལ་དར་བཙུགས་ཡོད།།དཔའ་རྟགས་རྒྱལ་དར་གྲི་དེ།།གྲི་གུ་ཐང་ལ་བཙུགས་ཡོད།།མཛེས་མོ་རང་གི་མེ་ཏོག་དེ།།ཚུར་བླངས་ནས་བཟང་པོ་ཡིད་འོང་མཚོ་ཁར་བཙུགས་ཡོད།། མི་ཚེ་རིང་པོའི་དར་ཐག།།བོད་ལོངས་ཡོངས་ལ་འཐེན་ཡོད།།ཡོངས་རོགས་ཆོལ་གསུམ་སྤུན་ཟླ།།ཐུགས་བཞག་ནན་ཏན་གནང་མཛོད།།ཇི་སིད་འཚོ་བའི་བར་ལ།།བརེད་ཐབས་གོད་ཐབས་གར་ཡོད།།ཁེད་ནི་བཀྲ་ཤིས་མདའ་དར།།བཀྲ་ལ་ཤིས་པར་ཤོག་ཅིག།།ང་ནི་ཚེ་རིང་བུམ་པ།།ཚེ་ལ་རིང་བ་ཤོག་ཅིག།།མཛེས་མོ་རང་གི་མེ་ཏོག་དེ།།ཚུར་བླངས་ནས་བཟང་པོ་ཡིད་འོང་མཚོ་ཁར་བཙུགས་ཡོད།། རྐྱང་པ་འཕུལ་ལ་འ་མཐའ་དགོས། །གུག་ཀྱེད་བརྩེགས་འདོགས་ཅན་ལ་སྤང༌། །ལྷུག་པའི་དོན་མང་མིང་མཚམས་དང༌། །དོན་འབྲིང་འབྱེད་དང་དོན་ཉུང་རྫོགས། །ཚིགས་བཅད་ག་མཐར་ཆིག་ཤད་བྱ། །རྫོགས་ཚིག་མཐའ་ཅན་ལྷུག་པ་དང༌། །ཚིགས་བཅད་རྐང་མཐར་ཉིས་ཤད་འཐོབ། །དོན་ཚན་ཆེན་མོ་རྫོགས་པ་དང༌། །ལེའུའི་མཚམས་སུ་བཞི་ཤད་དགོས། །ང་ཡིག་མ་གཏོགས་ཡིག་ཤད་དབར། །ཚེག་མེད་དེ་སོགས་ཞིབ་ཏུ་འབད། །ཚིག་གི་ལོ་མས་མ་བསྒྲིབས་ཤིང༌། །དོན་གྱི་འབྲས་བུ་གཡུར་ཟ་བའི། །ལེགས་བཤད་ལྗོན་པའི་དབང་པོ་འདི། །དབྱངས་ཅན་གྲུབ་པའི་རྡོ་རྗེས་སྤེལ།། །།

Read More »
April 20, 2023 No Comments

གསལ་བསྒྲགས།

ཉེ་ཆར་ཕྱི་ཟླ་ ༢ པའི་ནང་༸གོང་ས་༸སྐྱབས་མགོན་ཆེན་པོ་མཆོག་གིས་ཐུགས་དགྱེས་ཆེན་པོའི་ངང་བྱིས་པ་ཞིག་ལ་མཇལ་ཁ་གནང་། རྒྱུན་དུ་༸གོང་ས་མཆོག་ལ་དད་འདུན་ཞུ་མཁན་གྱི་སློབ་མ་ས་ཡ་མང་པོའི་སེམས་ངོགས་སུ་བྱས་པ་དེ་ནི་ཅི་འདྲའི་བསོད་ནམས་ཆེན་པོ་ཞིག་ཡིན་པར་ངོས་འཛིན་བྱེད་བཞིན་ཡོད། རྣམ་ཀུན་༸གོང་ས་མཆོག་ནི་ཞལ་རྩེས་གནང་བར་ཐུགས་དགྱེས་མཉེས་ཆེན་པོ་ཡོད་མཁན་ཞིག་རེད། ལྷག་པོར་ཉམ་ཐག་པའི་མགོན་མེད་སེམས་ཙན་དང་། ན་ཆུང་བྱིས་པ་རྣམས་ལ་དམིགས་བསལ་ཐུགས་དགྱེས་མཉེས་ཆེན་པོ་གནང་གི་ཡོད། གོང་སྨོས་ཀྱི་བྱིས་པ་དེ་ལ་མཇལ་ཁ་གནང་བའི་བརྙན་ཐུང་ཡར་མར་བཅད་གཏུབ་བྱས་ཏེ། འགའ་རེས་བསམ་བཞིན་དུ་༸གོང་ས་མཆོག་ལ་སྐུར་འདེབས་བྱེད་ཀྱིན་ཡོད། འགའ་རེས་རྒྱུ་མཚན་དང་གནས་ལུགས་གང་ཡང་མ་ཤེས་པར་འུར་རྒྱག་གི་ཡོད། དགུང་གྲངས་ ༨༧ ལ་ཕེབས་པའི་བོད་གངས་ཅན་གྱི་མགོན་སྐྱབས་ཤིག་ལ་གཞི་མེད་ཀྱི་སྙོན་འཛུགས་བྱེད་མུས་འདིས་བོད་མི་ཚང་མའི་སེམས་སུ་ཧ་ཅང་བློ་ཕམ་ཆེན་པོ་བྱུང་། ༸གོང་ས་མཆོག་ལ་མཇལ་ཞུ་དང་འབྲེལ་བའི་ལས་ཀྱི་སྣེ་མོ་རྣམས་ཀྱིས་རྗེས་སོར་མཇལ་ཞུ་རྣམས་ལ་དོགས་དཔྱོད་ནན་མོ་གནང་རོགས། ཚོགས་སྡེ་དང་སྒེར་པ་གང་ཞིག་གིས་ད་དུང་མུ་མཐུད་འགན་འཁུར་མེད་པར་བརྙན་ཐུང་དེ་ཡར་མར་བརྒྱུད་བསྒྲགས་དང་། གཞི་མེད་སྙོན་འཛུགས་བྱེད་བཞིན་འདུག་ན། འདི་ནས་མདོ་ཁམས་ཆུ་བཞི་སྒང་དྲུག་དབུས་སྤྱི་ཁྱབ་རྒྱུན་ལས་ཁང་ནས་རྩད་གཅོད་ནན་མོ་བྱེད་དེ་ཁྲིམས་གཏུག་བྱེད་རྒྱུའི་གྲ་སྒྲིག་ཨང་གསར་ཡོད། མདོ་ཁམས་ཆུ་བཞི་སྒང་དྲུག་སྤྱི་ཁྱབ་ལས་ཁང་ནས་ཕྱི་ལོ་ ༢༠༢༣ ཟླ་ ༤ ཚེས་ ༡༠ ལ། ངོ་བཤུས།དགའ་ལྡན་ཕོ་བྲང་།བཀའ་ཤགསྤྱི་འཐུས་ལྷན་ཚོགས། Welfare Society of Central Dokham Chushi Gangdrug, H.No. 39, Block No. 12, New Camp, New Aruna Nagar, Majnu-ka-Tilla, Delhi -110054 (INDIA), E-mail: chugang40@yahoo.com | www.chushigangdrug.com

Recent Comments

Welfare Society of Central Dokham Chushi Gangdrug, H.No. 39, Block No. 12, New Camp, New Aruna Nagar, Majnu-ka-Tilla, Delhi -110054 (INDIA) Email: chugang40@gmail.com
© 2022. All rights reserved by the Executive Committee of the Tibetan Volunteer Defenders of the Faith (Chushi Gangdruk)
Web Designer sonamdawa