རས་གཞི་སེར་པོ་གསེར་བཙོ་མ་ལྟ་བུ་འདུག་པ་དཔའ་བོ་རྣམས་ཀྱི་རྒྱལ་ཞེན་ལྷག་བསམ་ལ་ལྷད་མེད་པ་མཚོན། དེའི་སྟེང་རལ་གྲི་ཁ་འཐབ་ཡོད་པ་འདིས་བོད་ཡུལ་ཆོས་སྲིད་གཉིས་ལྡན་གྱི་རྣམ་པ་དང་། ཆུ་ཨའི་དང་དམག་རྡོག་རྩ་གཅིག་ལ་སྒྲིལ་ཏེ་བསྟན་དགྲ་རྒྱ་དམར་གཏོར་ཕམ་གཏང་རྒྱུའི་སྙིང་སྟོབས་བརྟན་པོ་མཚོན་ལ། རལ་གྲི་མེ་རི་འབར་བ་ཤེས་རབ་ཀྱི་ལྷ་མཆོག་རྗེ་བཙུན་འཇམ་པའི་དབྱངས་ཀྱི་ཕྱག་མཚན་ཡིན་པས། ཕ་རོལ་གདོང་དགྲ་འདུལ་ལ་བློ་གྲོས་ཀྱིས་སྤོབས་པ་རྒྱས་ཕྱིར་དང་། རལ་གྲིའི་ཡུ་བར་རྡོ་རྗེ་འཁོད་པ་ཡིད་དམ་རྡོ་རྗེ་སེམས་པའི་ཕྱག་མཚན་ཡིན་པས། བསྟན་དགྲ་རྒྱ་དམར་མཐར་སྐྲོད་གཏོང་སྐབས་དཔའ་རྩལ་ལུས་ལ་རྫོགས་ཆེད་དང་། མེ་ཏོག་དཀར་པོ་དྲི་མ་མེད་པ་འཕགས་མཆོག་སྤྱན་རས་གཟིགས་ཀྱི་ཕྱག་མཚན་ཡིན་ན། སྔོན་ཚེའི་ཐུགས་བསྐྱེད་དམ་བཅའ་གཡོ་བ་མེད་ཅིང་བོད་ཆོས་ལྡན་ཞིང་ཁམས་མི་གཡོ་བར་བརྟན་པར་སྐྱོང་བའི་སླད་དང་། དཔའ་དམ་རྣོ་ངར་ལྡན་པ་ཁ་ཕྱི་ལ་འཁོར་བ་འདི་དཔའ་རྒོད་རྣམས་ཀྱིས་དགྲ་བོའི་སྲོག་རྩ་གཅོད་བྱེད་ཡིན་ལ། དེ་ཡང་བོད་རང་གིས་ཐོན་བསྐྱེད་ཐུབ་པའི་དྲག་པོའི་དམག་གི་མཚོན་ཆར་སོང་། དམག་དར་ལས་མཐོང་ཚེ་ཕ་རོལ་དགྲ་བོའི་དཔའ་ངར་འཇོམས་པ་དང་། རང་གིས་ཕྱར་ན་བློ་སྟོབས་འཕེལ་བའི་ཁྱད་ཆོས་ཡོད་པ་ཞིག་ཡིན།

ཆུ་བཞི་སྒང་དྲུག་གི་དངོས་བྱུང་གློག་བརྙན་གྱི་ལེའུ་དང་པོ་འཁྲབ་ཁྲིད་ཟིན་ཏེ་འགྲེམས་སྤེལ་གནང་གཏན་འཁེལ་བ།ཆུ་བཞིའི་སྒང་དྲུག་བསྟན་སྲུང་དང་བླངས་དམག་གི་སྒྲིག་འཛུགས་སྐོར་གྱི་རྒྱལ་སྤྱིའི་རང་བཞིན་གྱི་དངོས་བྱུང་གློག་བརྙན་ཞིག་འཁྲབ་ཁྲིད་ཟིན་ཏེ་འགྲེམས་སྤེལ་གནང་གཏན་འཁེལ་བ། གནས་ཚུལ་རྒྱས་པ་གསར་འགོད་པ་བློ་བཟང་དགེ་ལེགས་ལགས་ནས་སྙན་སྒྲོན་གནང་བར་གསན་རོགས། བོད་མི་གློག་བརྙན་བཟོ་སྐྲུན་དང་འཁྲབ་ཁྲིད་པ་གཞན་ཕན་ཁྱིམ་གསར་ལགས་ཀྱིས་ཨ་མི་རི་ཀའི་Hollywood གློག་བརྙན་བཟོ་སྐྲུན་ཁེ་གཉེར་ལས་ཁང་གི་གྲགས་ཆེ་བའི་པར་ལེན་སྒྱུ་རྩལ་བ་སྐུ་ཞབས་Brandon Cox ལགས་གཙོས་པའི་རྒྱ་གར་Bollywood གློག་བརྙན་བཟོ་སྐྲུན་ལས་ཁང་གི་པར་ལེན་སྒྱུ་རྩལ་བ་དང་བལ་ཡུལ་ནང་གྲགས་ཆེ་བའི་པར་པ་སྐུ་ཞབས་Shailendra སོགས་དང་ལྷན་དུ་མཉམ་ལས་ཀྱིས་བོད་བསྟན་སྲིད་མི་རིགས་དང་། རང་དབང་སོགས་ཀྱི་ཆེད་དུ་རྒྱ་ནག་དམར་གཞུང་གི་བཙན་འཛུལ་བ་རྣམས་བོད་ནས་མཐར་སྤྲོད་གཏོང་ཆེད་མ་བགྲོས་བསམ་པ་གཅིག་མཐུན་གྱིས་འགོ་འཛུགས་གནང་བའི་ཆུ་བཞི་སྒང་དྲུག་བསྟན་སྲུང་དང་བླངས་དམག་གི་སྒྲིག་འཛུགས་ཀྱི་དངོས་བྱུང་ལོ་རྒྱུས་གློག་བརྙན་གྱི་ལེའུ་དང་པོའི་བརྙན་ཕབ་ཡོངས་སུ་བསྒྲུབས་ཟིན་ཏེ། ༢༠༢༤ ལོའི་སྤྱི་ཟླ་ལྔ་པའི་ནང་དངོས་སུ་འགྲེམས་སྤེལ་གནང་རྒྱུ་ཡིན་འདུག གཞན་ཕན་ཁྱིམ་གསར་ལགས་ཀྱིས་འཁྲབ་ཁྲིད་དང་བཟོ་སྐྲུན། རྩོམ་བྲིས་གནང་བའི་ཆུ་བཞིའི་སྒང་དྲུག་བསྟན་སྲུང་དང་བླངས་དམག་གི་སྒྲིག་འཛུགས་སྐོར་གྱི་རྒྱལ་སྤྱིའི་རང་བཞིན་གྱི་དངོས་བྱུང་གློག་བརྙན་དེ་བཞིན་ལེའུ་བཞི་ལ་དབྱེ་ཡོད་པ་དེ་ནི་༡༩༥༨ ལོར་དམག་གི་སྒྲིག་འཛུགས་དེ་ཉིད་ཐོག་མ་དབུ་བརྙེས་ནས་བཟུང་། ༸གོང་ས་༸སྐྱབས་མགོན་ཆེན་པོ་མཆོག་བཙན་བྱོལ་དུ་ཕེབས་ཏེ། ༡༩༧༤ བར་གྱི་ལོ་རྒྱུས་གསལ་ཡོད་པ་དང་། ཉེ་ལམ་འཁྲབ་ཟིན་པའི་ལེའུ་དང་པོའི་རིང་ཚད་ལ་ཆུ་ཚོད་༢ ལྷག་ཙམ་ཡོད་པ་མ་ཟད། གློག་བརྙན་འཁྲབ་མཁན་གྱི་མི་སྣ་གཙོ་བོ་རྣམས་ནི་བོད་མི་ཡིན་འདུག ཆུ་བཞི་སྒང་དྲུག་གི་དབུས་སྤྱི་ཁྱབ་བཀོད་འདོམས་པ་དང་དམག་སྤྱི་ཨ་འབྲུག་ཚང་མགོན་པོ་བཀྲ་ཤིས་མཆོག་ནི་བོད་བསྟན་སྲིད་མི་རིགས་དང་བཅས་པའི་རང་དབང་སླར་གསོའི་ཆེད་དུ་རྒྱ་ནག་དམར་པོ་གཞུང་ལ་དྲག་པོའི་ཕར་རྒོལ་བྱེད་མཁན་གཙོ་གྲས་ཤིག་ཡིན་པ་དང་། གློག་བརྙན་ནང་ཁོང་འཁྲབ་སྟོན་གནང་མཁན་ནི་ཨ་མི་རི་ཀའི་California མངའ་སྡེའི་ནང་གནས་བཞུགས་བསྟན་འཛིན་དོན་གྲུབ་ལགས་ཡིན་འདུག་ཅིང་། ཁོང་ནི་རྒྱ་གར་ལ་སྐྱེས་ཚར་བྱུང་སྟེ། ཕྱིས་སུ་ཨ་རིར་གནས་སྤོས་བྱས་ནས།

ཉེ་ཆར་ཕྱི་ཟླ་ ༢ པའི་ནང་༸གོང་ས་༸སྐྱབས་མགོན་ཆེན་པོ་མཆོག་གིས་ཐུགས་དགྱེས་ཆེན་པོའི་ངང་བྱིས་པ་ཞིག་ལ་མཇལ་ཁ་གནང་། རྒྱུན་དུ་༸གོང་ས་མཆོག་ལ་དད་འདུན་ཞུ་མཁན་གྱི་སློབ་མ་ས་ཡ་མང་པོའི་སེམས་ངོགས་སུ་བྱས་པ་དེ་ནི་ཅི་འདྲའི་བསོད་ནམས་ཆེན་པོ་ཞིག་ཡིན་པར་ངོས་འཛིན་བྱེད་བཞིན་ཡོད། རྣམ་ཀུན་༸གོང་ས་མཆོག་ནི་ཞལ་རྩེས་གནང་བར་ཐུགས་དགྱེས་མཉེས་ཆེན་པོ་ཡོད་མཁན་ཞིག་རེད། ལྷག་པོར་ཉམ་ཐག་པའི་མགོན་མེད་སེམས་ཙན་དང་། ན་ཆུང་བྱིས་པ་རྣམས་ལ་དམིགས་བསལ་ཐུགས་དགྱེས་མཉེས་ཆེན་པོ་གནང་གི་ཡོད། གོང་སྨོས་ཀྱི་བྱིས་པ་དེ་ལ་མཇལ་ཁ་གནང་བའི་བརྙན་ཐུང་ཡར་མར་བཅད་གཏུབ་བྱས་ཏེ། འགའ་རེས་བསམ་བཞིན་དུ་༸གོང་ས་མཆོག་ལ་སྐུར་འདེབས་བྱེད་ཀྱིན་ཡོད། འགའ་རེས་རྒྱུ་མཚན་དང་གནས་ལུགས་གང་ཡང་མ་ཤེས་པར་འུར་རྒྱག་གི་ཡོད། དགུང་གྲངས་ ༨༧ ལ་ཕེབས་པའི་བོད་གངས་ཅན་གྱི་མགོན་སྐྱབས་ཤིག་ལ་གཞི་མེད་ཀྱི་སྙོན་འཛུགས་བྱེད་མུས་འདིས་བོད་མི་ཚང་མའི་སེམས་སུ་ཧ་ཅང་བློ་ཕམ་ཆེན་པོ་བྱུང་། ༸གོང་ས་མཆོག་ལ་མཇལ་ཞུ་དང་འབྲེལ་བའི་ལས་ཀྱི་སྣེ་མོ་རྣམས་ཀྱིས་རྗེས་སོར་མཇལ་ཞུ་རྣམས་ལ་དོགས་དཔྱོད་ནན་མོ་གནང་རོགས། ཚོགས་སྡེ་དང་སྒེར་པ་གང་ཞིག་གིས་ད་དུང་མུ་མཐུད་འགན་འཁུར་མེད་པར་བརྙན་ཐུང་དེ་ཡར་མར་བརྒྱུད་བསྒྲགས་དང་། གཞི་མེད་སྙོན་འཛུགས་བྱེད་བཞིན་འདུག་ན། འདི་ནས་མདོ་ཁམས་ཆུ་བཞི་སྒང་དྲུག་དབུས་སྤྱི་ཁྱབ་རྒྱུན་ལས་ཁང་ནས་རྩད་གཅོད་ནན་མོ་བྱེད་དེ་ཁྲིམས་གཏུག་བྱེད་རྒྱུའི་གྲ་སྒྲིག་ཨང་གསར་ཡོད། མདོ་ཁམས་ཆུ་བཞི་སྒང་དྲུག་སྤྱི་ཁྱབ་ལས་ཁང་ནས་ཕྱི་ལོ་ ༢༠༢༣ ཟླ་ ༤ ཚེས་ ༡༠ ལ། ངོ་བཤུས།དགའ་ལྡན་ཕོ་བྲང་།བཀའ་ཤགསྤྱི་འཐུས་ལྷན་ཚོགས།

༄༅།། མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་གི་སྒྲིག་འཛུགས་དབུ་བརྙེས་ནས་མི་ལོ་ཧྲིལ་པོ་ ༦༣ འཁོར་བའི་ཡོངས་ཁྱབ་གསུང་འཕྲིན།  ༄༅། །བོད་རྒྱལ་ལོ་ ༢༡༤༨ རབ་གནས་ལྕགས་གླང་ལོའི་ཟླ་ ༥ ཚེས་ ༦ དང་། ཕྱི་ལོ་ ༢༠༢༡ ཟླ་ ༦ ཚེས་ ༡༦ གི་ཉིན་མོ་འདི་ནི། བོད་ཀྱི་རྒྱལ་ས་ལྷ་སའི་ལྷོ་ཁུལ་ལྕགས་ཚ་གྲི་གུ་ཐང་དུ་མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་གི་སྒྲིག་འཛུགས་དབུ་བརྙེས་ནས་མི་ལོ་ཧྲིལ་པོ་ ༦༣ འཁོར་བའི་བོད་ཀྱི་དཔའ་བོའི་ཉིན་མོ་དེ་ཡིན་ལ། མདོ་ཁམས་ཆུ་བཞི་སྒང་དྲུག་གི་ཁྱབ་ཁོངས་ས་གནས་ཡོངས་སུ་རྫོགས་པས་དེ་རིང་ནི་ཉིན་བརྒྱ་དུས་གཅིག་ཏུ་དུས་དྲན་སྲུང་བརྩི་ཞུ་བཞིན་ཡོད། འདིར་ཆེས་ཐོག་མར་དྲན་གསོ་དང་གུས་འདུད་ཞུ་དགོས་ས་གཙོ་བོ་ནི། ཕྱི་ལོ་

༄༅། །བོད་ཕྱི་ནང་དུ་འཁོད་པའི་བོད་རིགས་ཡོངས་ལ་ཏཱ་ལའི་བླ་མ་སྐྱེ་ཕྲེང་བཅུ་བཞི་པས་འཚམས་འདྲི་དང་བཅས་གལ་ཆེའི་གནས་ཚུལ་འགའ་ཤས་བརྗོད་རྒྱུར། ངོས་རང་ཆུང་དུས་ནས་བོད་མིའི་འཕྲལ་ཕུགས་ཀྱི་བདེ་དོན་སླད་བོད་ཀྱི་ཆབ་སྲིད་མང་གཙོའི་ལམ་སྲོལ་དུ་བསྒྱུར་རྒྱུ་གལ་ཆེར་མཐོང་སྟེ་ཆོས་སྲིད་ཀྱི་འགན་ཁུར་བླངས་ནས་བཟུང་འབད་རྩོལ་གང་ཡོང་བྱས་པ་ཡིན། འོན་ཀྱང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་བཙན་གནོན་འོག་གྲུབ་འབྲས་ཐོན་ཐུབ་པ་མ་བྱུང་། བཙན་བྱོལ་དུ་འབྱོར་མ་ཐག་གཞུང་གི་སྒྲིག་འཛུགས་བསྐྱར་བཅོས་དང་འབྲེལ་མང་ཚོགས་ཀྱིས་འོས་འདེམས་བྱས་པའི་སྤྱི་འཐུས་ལྷན་ཚོགས་གསར་འཛུགས་བྱས་པ་ནས་བཟུང་བོད་མིའི་མང་གཙོའི་འཕེལ་རིམ་བཙན་བྱོལ་བའི་གནས་བབ་ལ་གཞིགས་པའི་གང་ལེགས་བྱུང་སྟེ་ད་ཆ་དེང་རབས་མང་གཙོའི་མཚན་ཉིད་ཡོངས་སུ་ཚང་བའི་བཅའ་ཁྲིམས་དང་ལྡན་པའི་གཞུང་། གྲོས་ཚོགས་དང་འཛིན་སྐྱོང་གི་འགོ་ཁྲིད་མང་ཚོགས་ཀྱིས་ཐད་ཀར་འོས་འདེམས་བྱེད་བཞིན་ཡོད་པ་བཅས་བོད་མི་རིགས་ཀྱི་འགན་ཁུར་བོད་མི་མང་ཚོགས་ཀྱིས་བླངས་ཐུབ་པའི་གནས་བབ་ཅིག་ཆགས་ཡོད་པ་དགའ་སྤོབས་བྱ་འོས་ཀྱི་གནས་སུ་མཆིས། ངོས་ནས་མང་གཙོའི་ལམ་སྲོལ་ཕྲ་ཚུགས་ཡོང་ཐབས་ལ་འབད་བརྩོན་རྒྱུན་སྲིང་བྱས་པའི་དམིགས་ཡུལ་ནི་བོད་མིའི་ཆབ་སྲིད་སྲ་བརྟན་རྒྱུན་གནས་ཡོང་ཐབས་ཁོ་ན་ལས་རང་ཉིད་འགན་ཁུར་བྱེད་འདོད་མེད་པའམ་ཡང་ན་གཡོལ་ཐབས་བྱས་པ་ཞིག་གཏན་ནས་མིན། འདས་པའི་བྱུང་རབས་ལས་ཉམས་མྱོང་དང་། དེང་རབས་རྒྱལ་སྤྱིའི་གནས་བབ་ལས་བསླབ་བྱ་བླངས་ཏེ་བོད་དོན་བདེན་མཐའ་མ་གསལ་བར་བོད་མིའི་འཐབ་རྩོད་རྒྱུན་འཁྱོང་བྱེད་ཐུབ་པ་དང་། བོད་ཀྱི་ཆོས་དང་རིག་གཞུང་རྒྱུན་འཛིན་བྱེད་ཐུབ་པ་བཅས་ཀྱི་ཆེད་བཙན་བྱོལ་བོད་མིའི་སྒྲིག་འཛུགས་བཙན་བྱོལ་བོད་མི་མང་ཚོགས་ཀྱིས་སྲ་བརྟན་འཛིན་སྐྱོང་ཐུབ་པ་དགོས་རྒྱུ་ནི་ཧ་ཅང་གལ་གནད་ཆེ་བ་ཡིན། བཙན་བྱོལ་དུ་འབྱོར་བ་ནས་བཟུང་མང་གཙོའི་སྙིང་དོན་ལག་བསྟར་གྱིས་བོད་མིའི་ཆབ་སྲིད་ཀྱི་གནད་དོན་གལ་ཆེ་ཁག་མང་ཚོགས་ཀྱི་བསམ་འཆར་བསྡུས་ཏེ་ཐག་ཆོད་བྱ་རྒྱུའི་འབད་རྩོལ་རྒྱུན་འཁྱོངས་བྱས་ཡོད། ད་ལྟ་ང་ཚོས་འཛིན་བཞིན་པའི་གཉིས་སྨན་དབུ་མའི་ལམ་གྱི་སྲིད་བྱུས་འདི་ཡང་ལོ་རབས་བདུན་ཅུ་པའི་འགོ་སྟོད་དུ་སྤྱི་འཐུས་ཚོགས་གཙོ་སྦྲེལ་པོ་སོགས་མང་ཚོགས་ཀྱི་སྐུ་ཚབ་མཚོན་པའི་འགོ་ཁྲིད་རྣམས་དང་བསམ་ཞིབ་གོ་བསྡུར་ལན་མང་བྱས་ཏེ་གཏན་འབེབས་བྱས་པ་མ་ཟད། སི་ཊས་སི་སྦག་གི་གཏམ་བཤད་ནང་དུའང་མཐའ་མའི་ཐག་གཅོད་བོད་མི་མང་གིས་བྱ་རྒྱུ་ཡིན་པ་གསལ་པོར་བཀོད་ཡོད། ཕྱི་ལོ་ ༡༩༩༣-༩༤ ནས་བོད་རྒྱའི་འབྲེལ་ལམ་ཆད་རྗེས་སླར་ཡང་བོད་མིའི་ཆབ་སྲིད་ཀྱི་ལངས་ཕྱོགས་ཇི་དགེའི་སྐོར་གཞིས་བྱེས་མང་ཚོགས་དང་གོ་བསྡུར་གྱིས་ཐག་གཅོད་བྱ་རྒྱུའི་ཆེད་མང་མོས་ཐག་གཅོད་འོས་བསྡུའི་ལས་རིམ་འགོ་འཛུགས་བྱས་པ་ཡིན། འོན་ཀྱང་མཐའ་མ་དངོས་གཞི་འོས་བསྡུ་མ་དགོས་པར་སྔོན་འགྲོའི་བསམ་འཆར་མང་ཤོས་གཞིར་བཟུང་སྤྱི་ལྷན་ནས་སྤྱི་མོས་གྲོས་ཆོད་ཀྱི་ལམ་ནས་ངོས་ལ་དུས་བསྟུན་ཐག་གཅོད་བྱ་དགོས་བརྗོད་པ་ལྟར་ད་བར་དབུ་མའི་ལམ་གྱི་སྲིད་བྱུས་རྒྱུན་སྐྱོང་བྱས་པ་དང་། ཕྱི་ལོ་ ༢༠༠༢ ལོ་ནས་བཟུང་བོད་རྒྱའི་འབྲེལ་ལམ་བསྐྱར་མཐུད་ཀྱིས་འབྲེལ་མོལ་ཐེངས་བརྒྱད་བྱས་ཡོད། དེ་ལ་བརྟེན་ནས་རྒྱལ་སྤྱིའི་ནང་བོད་དོན་ཐོག་དོ་སྣང་གསར་པ་ཞིག་སླེབས་ཏེ་ཕྱོགས་ཀུན་ནས་ཚད་མཐོའི་རྒྱབ་སྐྱོར་ཐོབ་ཡོད་པ་དང་། དེ་བཞིན་རྒྱ་མི་རིགས་ཤེས་ཡོན་ཅན་གྱི་རྒྱབ་སྐྱོར་ཡང་ཇེ་མང་དུ་སོང་ཡོད། འོན་ཀྱང་བོད་ནང་བཟང་ཕྱོགས་ཀྱི་འགྱུར་བ་གང་ཡང་མ་བྱུང་བ་དང་། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་བོད་ལ་འཛིན་པའི་སྲིད་བྱུས་ལ་འགྱུར་བ་གང་ཡང་བྱུང་མེད། འབྲེལ་མོལ་ཐེངས་དྲུག་པའི་རྗེས་གནས་སྐབས་འབྲེལ་མོལ་མུ་མཐུད་བྱ་འཆར་མེད་རུང་།